/p. 221/ instituatur quaestio. I. C. Ipsae vero carnes nunc
in nostro corpore corrumpuntur.
DIALOGUS XXXIV.
De avium generatione.
Alex –
Quot modis aves congenerantur?
I. C. – Quatuor. Alex. – Quisnam primus
est? I. C. – Ex ovis. Alex. – Quibus
ex ovi partibus? I. C. – Hippocrates,
Medicorum Praeceptor eximius,
censuit ex ovi luteo fieri pullum, ab albumine
vero cibum sumere. E contra Peripateticorum
Princeps existimavit ex albo nasci
et luteo nutriri, cui opinioni aliquando favebam.
Alex. – At quibus persuasus rationibus?
I. C. – Quia pullum perfectum vidi absque ullis
albi reliquijs totum a vitello circumstante
obsessum. Insuper anatis indicae ovum ad Solem
inspiciens in summo fastigio eandem
deprehendi nigredinem, quae in earum rostris
est. Alex. – Habesne nunc aliquid, quod Aristoteli
obijcias? I. C. – Maxime. Nam in libris De
animalium generatione scripsit haec verba:
«Ubi ovorum vitella membranis distinguuntur, duo
inde pulli, ubi vero duo vitella non dissepiuntur, sed
unum sunt continuum, nascuntur monstra corpore
unico et uno capite, cruribus et alis quaternis».
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |